Əvəzedicilərimizdən heç-heçə
Şənbə, 17 Avqust 2024 16:32Əvəzedicilər Liqasında III turun oyunları keçirilib. “Şamaxı-2” doğma meydanda “Qarabağ-2” ilə 1:1 hesablı heç-heçə edib. Komandamızın heyətində Səbayıl Bağırov fərqlənib.
“Şamaxı” “Zaqatala”nı məğlub etdi
Şənbə, 17 Avqust 2024 15:58“Şamaxı” bu gün yoxlama oyununda “Zaqatala”nı 5:0 hesabı ilə məğlub edib. Komandamızın heyətində Belajdi Pusi (2), Brahim Konate (2) və Conatan Benteke fərqlənib.
Komandamız yoxlama oyunu keçirəcək
Çərşənbə, 14 Avqust 2024 13:29“Şamaxı” yoxlama oyunu keçirəcək. Komandamız avqustun 16-sı, saat 17:30-da Şamaxı şəhər stadionunda I Liqa təmsilçisi “Zaqatala” ilə qarşılaşacaq.
Məlumat
Çərşənbə, 14 Avqust 2024 12:59Ölkəmizi Çempionlar Liqasının pley-off mərhələsində təmsil edəcək “Qarabağ” Futbol Klubu Peşəkar Futbol Liqasına rəsmi müraciət edib. Klub qitənin 1 nömrəli klub turnirinin pley-off mərhələsinə daha yaxşı hazırlaşmaq məqsədilə Misli Premyer Liqasının 3-cü turu çərçivəsində keçiriləcək “Şamaxı” ilə səfər oyununun təxirə salınmasını istəyib. “Qarabağ” klubunun müraciətini, “Şamaxı” klubunun razılığını, Azərbaycan futbolunun ümumi mənafeyini nəzərə alan Peşəkar Futbol Liqası 2024/25-ci illər Futbol mövsümünün Əsasnaməsinin 6-cı maddəsinin 1-ci bəndini (pley-off mərhələsinə yüksələn komandanın 1 oyunun təxirə salınması ilə bağlı müraciətini) rəhbər tutaraq 3-cü turun “Şamaxı” - “Qarabağ” oyununun təxirə salınması ilə bağlı qərar qəbul edib. Təxirə salınmış oyunun tarixi ilə bağlı əlavə məlumat veriləcək.
Xoş gəldin, Leroy Mikels !
Çərşənbə, 14 Avqust 2024 10:52“Şamaxı” növbəti transferini reallaşdırıb.
Komandamız almaniyalı hücumçu Leroy Mikelsi heyətinə qatıb. 29 yaşlı futbolçu ilə bir illik müqavilə imzalanıb.
Mikelsin son klubu Səudiyyə Ərəbistanın “Əl Taraji” klubu olub.
Əvəzedicilərimiz məğlub oldu
Bazar, 11 Avqust 2024 19:46Əvəzedicilər Liqasında cari mövsümün II turun oyunları keçirilib. “Şamaxı-2” səfərdə “Araz-Naxçıvan-2”nin qonağı olub. Komandamız rəqibinə 1:2 hesbaı ilə məğlub olub, yeganə qolu Elşad Tağıyev vurub.
Ayxan Abbasov: “Komandama tam olaraq inanıram”
Bazar, 11 Avqust 2024 19:39Komandamızın baş məşqçisi Ayxan Abbasov Premyer Liqanın II turunda baş tutan “Araz Naxçıvan” - “Şamaxı” oyunsonrası mətbuat konfransında oyun haqda fikirlərini bildirib:
“Bizim üçün uğursuz bir nəticə oldu. Hesabı bərabərləşdirmək üçün imkanlarımız olsa da, istifadə edə bilmədik. İndi çempionatın əvvəlidir, oyundan-oyuna daha da yaxşı olacağıq. Top buraxdıqdan sonra komandamın verdiyi reaksiyadan razı qaldım. Bəzi futbolçular bizim çempionat üçün hələ yenidir. Mən qarşımıza qoyulan məqsədə çatacağımıza əminəm. Komandama tam olaraq inanıram“.
“Araz-Naxçıvan” - “Şamaxı” 1:0
Bazar, 11 Avqust 2024 19:32Premyer Liqanın II turunda “Şamaxı” səfərdə “Araz-Naxçıvan”ın qonağı olub. “Liv Bona Dea Arena”da baş tutan qarşılaşmada komandamız rəqibinə 0:1 hesabı ilə məğlub olub.
Azərbaycan Premyer Liqası
II tur
10 avqust
18:45 "Araz-Naxçıvan" - "Şamaxı" 1:0
Qol: Ramon Maçado, 59
Baş hakim: Fərid Hacıyev
“Liv Bona Dea Arena
"Şamaxı” Futbol Klubu və “Medsun Klinika” arasında əməkdaşlıq müqaviləsi imzalanıb.
Şənbə, 10 Avqust 2024 09:01Əvəzedicilərimiz heç-heçə ilə başladı
Cümə axşamı, 08 Avqust 2024 09:20Əvəzedici komandaların çempionatında yeni mövsüm start götürüb. “Şamaxı-2” komandası ilk turda “Sabah-2”ni qəbul edib. Qarşılaşma 1:1 hesabı ilə başa çatıb, komandamızın heyətində Elşad Tağıyev fərqlənib.
Təşəkkürlər, Abbas Ağazadə !
Çərşənbə axşamı, 06 Avqust 2024 18:55“Şamaxı” daha bir futbolçusu ilə yollarını ayırıb. Yarımmüdafiəçi Abbas Ağazadə ilə müqaviləyə qarşılıqlı razılaşma əsasında xitam verilib.
Abbas Ağazadəyə göstərdiyi xidmətlərə görə təşəkkür edir, gələcək karyerasında uğurlar arzulayırıq.
“Şamaxı” Premyer Liqaya xalla qayıtdı
Çərşənbə axşamı, 06 Avqust 2024 18:47
Premyer Liqanın 2024-25-ci illər mövsümünün ilk turunda “Şamaxı” səfərdə “Sabah”ın qonağı olub. Oyuna sürətli başlayan meydan sahibləri ardıcıl ikinci dəfə fərqlənib. İlk hissənin sonuncu dəqiqələrində komandamız Rüfət Abbasovla hesab arasındakı fərqi minimuma endirib. İkinci hissənin əvvəlində hücumçumuz Belajdi Pusi hesabı bərabərləşdirib. Qalan dəqiqələrdə başqa qol vurulmayıb və qarşılaşma 2:2 hesabı ilə başa çatıb.
Azərbaycan Premyer Liqası
1-ci tur
4 avqust
“Sabah” – “Şamaxı” 2:2
Qollar: Namik Ələskərov, 16. Xəyal Əliyev, 37 – Rüfət Abbasov, 44. Belayi Pusi, 52.
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev.
Bakiç “Şamaxı”da !
Şənbə, 27 İyul 2024 14:12“Şamaxı” heyətini formalaşdırmaq üçün çalışmalarını davam etdirir.
Komandamız serbiyalı müdafiəçi Vasiliye Bakiçi heyətinə qatıb. 24 yaşlı mərkəz müdafiəçisi ilə bir illik müqavilə imzalanıb.
Bakiçin son klubu Serbiyanın “Radniçki” olub.
“Şamaxı” - “Əl-Yarmuk” 2:0
Şənbə, 27 İyul 2024 14:10“Şamaxı” yay təlim-məşq toplanışında növbəti yoxlama oyununu keçirib.
Küveytin “Əl-Yarmuk” klubu ilə qarşılaşan komandamız 2:0 hesabı ilə qalib gəlib. Komandamızın heyətində Conatan Benteke dublla yadda qalıb.
“Şamaxı” “Əl-Yarmuk”la qarşılaşacaq
Çərşənbə axşamı, 23 İyul 2024 20:37“Şamaxı” yay təlim-məşq toplanışını davam etdirir. Komandamız toplanış zamanı növbəti yoxlama oyununu keçirəcək və bu matçda Küveytin “Əl-Yarmuk” komandası ilə qarşılaşacaq. Oyun 26 iyul, saat 17:00-da Qəbələ şəhər stadionunda start götürəcək.
“Şamaxı” - “Cəbrayıl” 4:0
Çərşənbə axşamı, 23 İyul 2024 20:36“Şamaxı” yay təlim-məşq toplanışında üçüncü yoxlama oyununu keçirib.
“Cəbrayıl”la qarşılaşan komandamız 4:0 hesabı ilə qalib gəlib. Komandamızın heyətində Conatan Benteke dublla yadda qalıb, Elşad Tağıyev və Adil Nağıyev hərəyə bir dəfə fərqlənib.
Təşəkkürlər, Cəlal Cəbrayılov!
Bazar, 21 İyul 2024 16:23“Şamaxı” daha bir futbolçusu ilə yollarını ayırıb. Hücumçu Cəlal Cəbrayılovla müqaviləyə qarşılıqlı razılaşma əsasında xitam verilib.
Cəbrayılova göstərdiyi xidmətlər görə təşəkkür edir, gələcək karyerasında uğurlar arzulayırıq.
“Şamaxı” “Cəbrayıl”la qarşılaşacaq
Şənbə, 20 İyul 2024 20:47“Şamaxı” yay təlim-məşq toplanışını davam etdirir. Komandamız toplanış zamanı üçüncü yoxlama oyununu keçirəcək və bu matçda “Cəbrayıl”la qarşılaşacaq. Oyun 23 iyul, saat 18:00-da Şamaxı şəhər stadionunda start götürəcək.
“Şamaxı” - “Pelikan” 5:0
Şənbə, 20 İyul 2024 16:08“Şamaxı” yay təlim-məşq toplanışında ikinci yoxlama oyununu keçirib.
“Pelikan”la qarşılaşan komandamız 5:0 hesabı ilə qalib gəlib. Komandamızın heyətində Conatan Benteke, Ramin Əhmədov, Belajdi Pusi və Elşad Tağıyev (2) fərqlənib.
Xoş gəldin, Conatan Benteke !
Şənbə, 20 İyul 2024 09:01“Şamaxı” heyətini formalaşdırmaq üçün çalışmalarını davam etdirir.
Komandamız hücumçu Conatan Bentekeni heyətinə qatıb. Belçikalı hücumçu ilə bir illik müqavilə imzalanıb.
Bentekenin son klubu Lüksemburqun “Petange” olub.
