Azərbaycan kubokunda II təsnifat mərhələsindən mübarizəyə başlayacaq “Şamaxı”nın rəqibi məlum olub. Komandamız bu mərhələdə Şamaxı şəhər stadionunda “Şəmkir”i qəbul edəcək. Bu mərhələnin oyunları 29/30 oktyabr tarixlərində keçiriləcək.

"Şamaxı" Futbol Akademiyasında geridə qalan həftədə 5 komandamız növbəti oyunlarına çıxıb. Qeydə alınan nəticələri təqdim edirik:

U-12 Liqası

Şamaxı - Çərəkə (Göyçay)  >

U-13 Liqası

Şamaxı - Lokomotiv (Ucar)  >

U-15 Liqası

Şamaxı - EFA 1:4

 U-16 Liqası

UFA - Şamaxı 3:1

U-17 Liqası

Kəpəz - Şamaxı 10:0

Gənclər Liqası:

Şamaxı - Qarabağ 1:1

21 yaşadək futbolçulardan ibarət Azərbaycan milli komandasının Avropa çempionatının seçmə mərhələsi çərçivəsində Şimali İrlandiya və İngiltərə yığmalarına qarşı keçiriləcək səfər oyunlarının heyəti müəyyənləşib. "Şamaxı"nın 3 futbolçusu: Rauf Rüstəmli, Rüfət Abbasov və Qurban Səfərov millimizə dəvət alıb. 

U-21 yığması oktyabrın 12-də, Bakı vaxtı ilə saat 18:00-da Belfastda Şimali İrlandiya, oktyabrın 15-də, saat 22:30-da isə Bristolda İngiltərə seçməsi ilə qarşılaşacaq.

Əvəzedicilər Liqasında IX turun oyunları keçirilib. “Şamaxı-2” səfərdə “Səbail-2” ilə qarşılaşıb və 2:0 hesabı ilə qalib gəlib. Komandamızın heyətində Nicat Xasıyev və Ramin Əhmədov fərqlənib.

Misli Premyer Liqasında IX turun oyunları keçirilib. İlk dövrənin son turunda “Şamaxı” səfərdə “Səbail”in qonağı olub. Komandamız rəqibinə 0:2 hesabı ilə məğlub olub. İlk dövrədən sonra komandamız 12 xalla turnir cədvəlinin 6-cı sırasında qərarlaşıb.

U-17 Liqasında növbəti turun oyunları keçirilib. U-17 komandamız Şamaxı şəhər stadionunda “Masallı” komandasını qəbul edib və rəqibinə 0:10 hesabı ilə məğlub olub.

Əvəzedicilər Liqasına VIII turun oyunları keçirilib. “Şamaxı-2” Şamaxı şəhər stadionunda "Turan Tovuz-2"ni qəbul edib. Qarşılaşma rəqibin 3:1 hesablı qələbəsi ilə başa çatıb. Əvəzedicilərimizin heyətində Rauf Rüstəmli fərqlənib.

Azərbaycan kubokunun püşkatma mərasimi keçirilib. Mübarizəyə II təsnifat mərhələsindən başlayacaq “Şamaxı” bu mərhələdə “Sheki City” - “Şəmkir” cütünün qalibi ilə qarşılaşacaq. II təsnifat mərhələsi tək qarşılaşmadan ibarətdir və meydan sahibi komandamız olacaq.

Misli Premyer Liqasında VIII turun oyunları keçirilib. "Şamaxı" bu turda doğma stadionda "Turan Tovuz"u qəbul edib. Oyuna qonaqlar sürətli başlayıb və matçın 5-ci dəqiqəsində hesabı açıb. İlk hissədə başqa qol vurulmayıb və qonaqlar fasiləyə 1:0 hesablı qələbə ilə yollanıb. İkinci hissəyə komandamız qolla başlayıb. 48-ci dəqiqədə Brahim Konatenin cinahdan ötürməsini Belajdi Pusi tək toxunuşla tamamlayıb. Matçın 90-cı dəqiqəsində komandamız hesabı 2:1 öz xeyrinə dəyişib. Emin Zamanovun cərimə zərbəsindən ötürməsini Arsen Ağcabəyov başla tamamlayıb. Oyunun son saniyələrində rəqib penalti zərbəsindən hesabı bərabərləşdirib və qarşılaşma 2:2 hesabı ilə başa çatıb.

Geridə qalan həftədə akademiyamızın 4 komandası növbəti oyunlarına çıxıb. Qeydə alınan nəticələri təqdim edirik:

U-14 Liqası

 Şamaxı - Difai 16:0

U-15 Liqası

Kəpəz - Şamaxı 4:1

U-16 Liqası

Şamaxı - Lion 0:5

U-19 Liqası

Səbail - Şamaxı 3:3